Plantun de Prouvènço

Pèr coumpara dos planto d'encò nostre

Teesdalia coronopifolia & Stellaria nemorum

Teesdalia coronopifolia

Brassicaceae Cruciferae

Noms en français : Téesdalie corne-de-cerf, Téesdalie à feuilles en corne de cerf.

Descripcioun :
Se fau bèn clina pèr vèire aquesto pichoto planto que trachis dins li sablo séusous. Se recounèis majamen à si fueio basalo en bano de cèrvi. I'a souvènti-fes 4 estamino (6 nourmalamen dins la famiho). Li boudousqueto fan mai de 3 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : Basalo
Tipe bioulougico : Teroufite
Cicle bioulougico : Planto de l'an

Gènre : Teesdalia
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : 0,6 à 2 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Mars à mai

Liò : Sablo - Tepiero seco - Paret - Terraire safrous
Estànci : Termoumediterran à Mesoumediterran
Couroulougi : Eurimediterranenco
Ref. sc. : Teesdalia coronopifolia (J.P.Bergeret) Thell., 1912

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.